Friday, September 21, 2007

رمضان جانا



رمضان دخل علينا و يديه ملآنه و ما علينا إلا ان نمد ايدينا و نأخذ ,و لا شك
ان لدينا الآن مخزون إستراتيجى إحتيلطى من رمضان ياميش رمضان الفائت او أننا قد
حضرنا هذا المخزون قبل رمضان بفتره و تبضعنا من قمر الدين و عين الجمل و الفذدق و البندق و اللوز و جوز الهند و المكسرات و ام على و التمر و كل ما يلزمو ما لا يلزم
و طبعا رمضان شهر الحميه و أنا اوصيك بحمبه مناسبه شرط ألا يزيد وزنك عن عشرين
كيلو جرام أخر الشهر على العيد
تنظيم الوقت :
و يأتى دور تمضية الوقت او كما يقال (تسلى صيامك
و تتعد المجالات للتسليه

ان تبحلق البصر طول اليوم على شاشة التليفيزيون و تتفرج على المسلسلات و البرامج و الأغانى و الأفلام و تتنقل بين الفضائيات و طبعا جلستك هذه امام التليفيزيون ستساعدك فى الحميه المطلوبه
حيث انك لن تمشى أو تتحركو تبص يمينا او يسارا ...منتهى الراحه و المتعه...و تسهر
إلى السحور حيث لن يدق راسك منبه رزل مزعج الصوت و تذهب الى العمل لتنام
هناك كالمعتاد

التجوال...اذا كنت من محبى بص او من محبى الفن التشكيلى انصحك باللف على المعارض
فى قاعات مثل (دروب)فى شارع امريكا اللاتينيه أو قاعة الأوبرااو خان المغربى عند كلية الفنون الجميله او (ارابيسك)فى ش قصر النيلأو أتيليه القاهره فى ش كريم الدوله من طلعت حرب
و غيرها كتير....لو كنت من محبى التاريخ أنصحك تسلى نفسك بزيارة المتاحف(المتحف المصرى)أو متحف محمود خليل او الكريتيليه او زينب خاتون أو تزور الجوامع و مناطق الحفر

بعد الفطار...
إذا كنت غاوى (سماع)....اذاكنت من محبى النشاطات و الندوات الثقافيه ,ما عليك إلا الذهاب الى ساقية الصاوى و هما هيروقوا عليك على الآخر ,أو تذهب إلى أتيليه القاهره او جمعية محبى الفنون الجميله بالدقى فى شارع احمد باشا,أو قاعة إيوارت فى الجامعه الأمريكيه ,أو المركز الثقافى الفرنسى باالمنيرهو غيرها كتير

أما اذا كنت من محبى (المزاج)...و الشيشه و الشا ى الأخضر و الحلبه و الينسون والكركديه و القهوه فأنصحك أن تذهب على طول إلى قهوة الفيشاوى او قهوة الحريه فى باب اللوق او مقهى ريش بطلعت حرب

أما إذا كنت غاوى تراويح .....قدامك مساجد عمرو بن العاص ,الفتح فى رمسيس,النور بالعباسيه,الأزهر, الحسين

إذاكنت عايز تخوض تجربة ان دمك يفور أو يتحرق,إدخل مسرح من مسارح قصور الثقافه
علشان يحصلك اللى حصل فى بنى سويف