Monday, December 26, 2005

سنه و تعدى


لابد انى افكر ان ذلك سيكون كابوسا عندما اجد جنديا يمسك بندقيه و يستباهى بها
تكون الرؤيا عندى ان هذا ليس جنديا و هذه ليست بندقيه و انما هما جسد واحد لا بندقيه بغير جندى
و لا جندى بغير بندقيه هما شى ء واحد ملتحم فى جسد واحد,الآن اواجه نفس المصير
اتجهز لأن أكون مجندا , ألعب تمارين سويديه ..حتى لا يقولوا ...خرع..أتأمل جسدى
كنت فى البدايه مرشحا ظابط احتياط الآن احمد ربى ان أصبحت مجرد عسكرى
لأنى لو كنت أصبحت ضابطا سأفقد تواضعى و أغتر على الخلق و أبصق فى وجوههم
و إن واتتنى فرصه لصفعهم فلن يردعنى رادع ...الآن أحاول ان أضع نفسى فى المود المناسب
استمع إالى الشيخ سيد درويش ..حب الوطن فرض عليا , أفديه بروحى و عينيا..أو انا المصري
كريم العنصرين , بنيت لمجد بين الأهرمين امرن نفسى على تمارين نفسيه و معنويه أبصق على صورة سيدنا جمعيعا
و امرأته التى ألصقت صورها على كتب مكتبة الأسره ,أتذكر كتب مكتبة الأسره فى عهدها الأول و أتحسر على الزمن البائد
ادعوكم لطمأنتى و انت تباركو لى فى اننى اصبحت جنديا يحمى بلاده و قبل بلاده سادة بلاده فلولاهم ما كانت بلادنا بلادنا

10 comments:

shady said...

عسكرى أه عسكرى
عسكرى فى محل ولا مصنع ولا فرن
يابنى أنت ما سمعتش الرئيس المؤمن وهو بيقول حرب اكتوبر اخر الحروب
ماتخافش كام شهر ويمروا قوااام

ابن مصر said...

انا اهلي موافقوش اروح الجيش.. شفته فيديو ربنا معاك
:)

Ammouna said...

your post is expressing noble and great feelings!
Hard luck! God bless you

ماشى الطريق said...

الجيش للرجالة يا بطل

tamer said...

عزيزى اسلام

الجيش فترة وايام وبتعدى


عليك محاولة الاستفادة منها


اتعلم حاجة جديدة استغلها فى القراءة والكتابة
نمى المواهب اللى جواك

ولاتنظر الى متى ساخرج حتى لاتطول عليك الايام


ربنا معاك ويوفقك

وفقنا الله لما فية الخير

مع خالص تحياتى

بروميثيوس said...

حب الوطن فرض علي يا سولم
"
تخيل بقع ان عم سيد ده برضه هو اللي قال
" لجل ما تعلي وتعلي وتعلي , لازم تطاطي تطاطي تطاطي "
ابقي وافينا بالتفاصيل

Lasto-adri *Blue* said...

هو ليه فجأة كل الناس اللى أعرفهم دخلوا الجيش السنة دى!!

Dalia Fouad said...

والله يا اسلام معنديش كلام أقوله أكتر من اللى قاله تامر
ربنا يوفقك وتكون تجربة مفيدة

change destiny said...

ربنا معاك يا دفعة . أنا لو علية نفسي أدخل الجيش بس معتقدش ينفع

islam yousef said...

شادى
مش هاقدر اغنى هنحارب هانحارب دى أخر حاجه ممكن تحصل ذى ما الزعيم الكبير آل
sonofegypt
ما عانكش شريط الفيديو ده و بلاش المرواح

أمونا
ربنا يخليكى و يجعل ايامك مَلَكى

كتايه
بس اللى فى الجيش مش ابطال

تامر
بصراحه مش عارف اقوللك ايه احنا راحين نسللى و اللا ايه مش عارف هالاقى الوقت للى انت بتقول عليه و اللا لأ بس دى نصيحه جميله هاحاول بقدر الإمكان انى انفذها

بروميثيوس
ان شاء الله هانعلى لجل ما نطاطى بعد الجيش

لست ادرى
اعتقد فيه عين فى الموضوع الناس ام عيون كتروا الأيام دى بادعى ان ربنا يخليلك شويه من اللى انت تعرفيهم الوحده وحشه

داليا
ادعيلى ...ادعولى كلكوا

change destiny
ليه؟