Monday, January 16, 2006

حمى التعصب و توابعها



أعتفد أن أى دين لابد و أنه قد أتى لكى يعلى قيمه لابد و أن تكون الأولى فى قائمة القيم و هى التسامح , و التسامح
يكون بين الأديان و الأقلياتو الأشخاص ,و الصيغه المائعه للنصوص الدينيه فى مختلف الديانات تفرض على المجتمع
و الأفراد نظرية الفهم التأويلى لهذه النصوص , أى أن الدين يطبق و ينفذ من وجهة نظر أحاديه تدعو إلى التناقض
عند المناقشه بين فردين , و يكون التناقض هو السمه الغالبه عند المناقشه . و هو ما يؤدى إلى الإتهام بالتكفير أو الإلحاد
أو العلمانيه , و أن يثبت الشخص صحة كلامه فى مقابل تسفيه رأى الآخر و الهجوم عليه. ,؟
كذلك يأخذ الناس الدين وسيله لتحقيق مصالحهم و ذريعه لفرض سيطرتهم و ديكتاتوريتهم على من يناوئهم
الأب فى البيت و صاحب العمل فى مصلحته و المدير فى شركته و الإمام فى مسجده , لم يعد الدين دينا و إنما وسيله
لللإعتداء و التهجم و التشرذم و التنابذ و فرض وجهات النظر و رشق لإتهامات و إيقاظ الفتنه و إعلاء قيمة النفاق
ما ضر أن يؤمن الناس أو لا يؤمنوا و كل انسان له الحريه فيما يؤمن به , فالأولى بنا أن ندعوا إلى قيمة الحريه ثم بناء
المجتمع على قيم أخلاقيه مدنيه لا تؤذى الآخرين و العمل على بناء مجتمع متحضر .
يقولون الله أو الشيطان .....و لكن أين الإنسان؟
و هذا يدعونى أن أتساءل و يكون تساؤلى مفتوحا للنقاش , فبالرأى و الرأى الآخر يكون الإثراء و التقدم خطوه للأمام
هل الدين يدعوا للصدام ؟و إن كان يدعوا لذلك فما هو البديل -بدون نبذ الدين -لنهضه حضاريه ومجتمعيه؟

8 comments:

Tamer Nabil Moussa said...

عزيزى اسلام

اتفق معاك فيما قولت


الانسان يجب ان يتفق على مبادىء وقيم واخلاق لايحيد عنها للتعامل مع الاخرين

اى كانت الديانة او العقيدة التى يؤمنون بها

انت حر فى اختيار دينك وانا حر

تسلم ومشكوووووووور على المشاركة والبوست الاكثر من رائع

shady said...

لا اعتقد ان الاديان تدعو لهذا لكم دينكم ولى دين
شكرا على الموضوع الجميل ده يا اسلام

allfollowsome said...

موضوع ممتاز اسلام
التعصب ده بيولد غباء واستبداد بالرأى فظيع
بقولك
انت هربت من الجيش ولا ايه
ولا اخدت اعفاء

DareDevil said...

nice post

sydalany-وش مكرمش said...

جميل

بس ليه قعدنا كل السنين دي مش واخدين بالنا من اللي بيحصل

و برضه في مشكلة صغيرة أحب أشوفك بتناقشها
فكرة الدعوة للحق
و ده أمر إلاهي بإنك تدعو لدينك على القل تعرف الناس بيه

و حتلاقي إن كل فرقة ترى إن دينها هو الحق و لما بيدعو الآخر بيدعوه للخروج من الظلماتن إلى النور

و حنلاقى جماعات تبشيرية مسيحية تطوف البلدان الفقيرة و الغنية و تدعو للمسيحية

و إن لم أرى مثلها في الإسلام ..ففي الإسلام لا يخرج الأمر عن دعوى بإسلوب فردي فنجد أن الأمر يتحول من جماعات تبشير إلى دعاة منفردين بدون تنظيم

و كان فيه وقت ظهرت جماعات إسلامية حاولت بصورة منظمة

طب لما نلاقي كل ده أكيد حيحصل صدام و كل واحد حيثبت إنه هو الحق و الآخر باطل إما بالهجوم و محاولة التشكيك في الآخر أو إظهار الخير في ما يتبع

فظهرت مواقع على النت تهاجم الإسلام و غرف تهاجم الإسلام و تحرف فيه ثم تطور الأمر للسباب المباشر في غرف الشات

فظهر المدافعين عن الإسلام
فمنهم من يرد بالحجة
و منهم من يرد السباب بالسباب

و بوجه عام كان المجتمع بعيد عن الصراع ده كله
كان التعايش و السماحة متبادلة
الإحنقان ظهر لما بدأ يبان اللي في الصدور

نكت مسيحي و مسلم
و مسلم و مسيحي
و قبلهم حالات الدخول في الإسلام التي لم تكن تظهر لكن ظهرت لما أسلمت زوجة رجل دين مسيحي مهم فهذا ينفى الإستمالة أو الجهل فقامت الدنيا من جهة المسيحيين

مسرحية ضد الإسلام
و فيها ما لا يحتمله مسلم
فقامت الدنيا من جهة المسلمين

إيه ده
بس
بس
الكومنت كده كبر قوي بقى موضوع
معلش يا باشا أصلى قاعد فاضي
:0)

Raed said...

لا بديل

أبوشنب said...

الدين لا يدعو إالى التعصب

واعلم ان من دخل دار ابو سفيان فهو امن

hesterua said...

تسجيل حضور

مستنيك ترجع يا بلد
و تحكى عن التجربة الجديدة اللى بتمر بيها
عارف انك هتشوف كراكترات مش هتقابلها تانى فى حياتك