Friday, April 06, 2007

و للخوف أيضا أقنعه




هل يتسم المدونون بسمة الخوف؟



هل عندما ندعى شخص ما جبانا ,يتبادر إلى أذهاننا أول ما يتبادر هو شخصية المدون؟



هل كلمة مدون أصبحت الآن مرادفه للجبن؟


إذا فلنرتمى فى الصمت....عند هذه اللحظه يكون الصمت بليغا و يرسم ما يدور فى عقولنا و ينتشلنا من حافة الضياع الذى وضعنا أنفسنا فيه بإرادتنا الخالصه ......هل يكون الصمت طريقا للخلاص...اننا نرسم لأنفسنا واقعا افتراضيا ليس له أى تأثير....هل نحن الا أشخاص مغيبون ؟...لابسين أقنعه منفره ؟....نأوى من الخوف إلى الخوف....إنسلخنا عن أعمارنا , أسمائنا , هويتنا , واقعنا الذى نعنى أهواله و همومه و شجونه .


أنا آسف ...كلام صادم شويه ..مش مهم ,المهم اننا نواجه حقيقه ...مش غايبه عننا ..لكن احنا بنحاول نغيبها ...نركنها ف حنب ..ممكن نسمى ده ايه ؟ هروب ...قلق ..خوف ...ترقب من عين تتلصص عليك ...مجتمع يدق عليك دقا بمطرقته و سندانه ؟


دولة عسكريه ....نعم ..دولة عسكريه بذيئه ..تذرع فينا خوفا سنظل طيلة حياتنا نستأصل شأفته عبثا........كلنا نحتمى بقتاع فصله كل منا حسب مقاسه و شخصيته ...كلنا كائنات افتراضيه ..خلقت لنفسها عالم إفتراضى للهروب من واقع كئيب.....إحنا ليه هاربانين ..فى الآخر مش هانعرف نفسنا ..هانحس اننا شخصيات مايعه..مهلهله..مشوهه


كل واحد ممنا مختار اسم جديد بروفيل جديد , وجه جديد..صوره مابتنتميش اديك


صلاح جاهين اكتئب ليه و علا وجهه الحزن فى آخر أيامه؟...لأنه كان غلطان أما قال

سهير ليالى و يامالفيت وطفت

و ف ليله راجع فى الظلام قمت شفت

الخوف كأنه كلب سد الطريق

و كنت عايز أقتله بس خفت


إحنا مشلكلتنا اننا خايفين من الكلب اللى بره و الكلب اللى جوانا و احنا المارد اللى خلق الكلب ده و ف إيديه أنه يقتله ..يدمره ...يقضى عليه...احنا مستقليين بنفسنا


مش علشان ده مجتمع أبله, متخلف,مجتمع ذا سلطه أبويه تسلطيه تقليديه ,ظاغطه , دايسه برجليها فوق رقابينا

اننا ننزع وجوهنا الحقيقيه و نحط فوق وشوشنا أقنعه ..إحنا عايزين نكسر التابوهات اللى خانقانا ..نكتب بأسامينا بدون خوف ..نحط صورنا بدون قلق...نصرخ ..نتكلم بهداوه ..المهم ان احنا المفروض نورى وشوشنا للمجتمع للدوله العسكريه هيا عارفه ااننا خايفينها لأننا بنستخبى ورا أقنعه ..الحل مش الهروب ..مجتمع الوضوح إحنا اللى لازم نصنعه المواجهه هيا الطريق ...أنا بدون و بأقرأ لمدونين , لكن انتوا مين ؟ و أنا مين؟


انا بقرأالجورنال باعرف أنا باقرأ لمين ؟ لكن أنا الوقتى باقرا لمين؟


مجموعة المدونين اللى برعاية صاحبة مدونة اسكاى لايت أنا بحييهم لأنها حركه جريئه فى سبيل التحرر من واقع افتراضى وهمى .. و ده ممكن يون بداية الطريق لفرض وجهة نظر بطريق ايجابيه مباشره


دعوه ...أتمنى أن أجد لها القبول

16 comments:

micheal said...

أولا ..اسمحلي أحييك و أصفق لك تصفيقا حادا لهذا البوست الذي تناول مشكله خطيره جدا تكلمنت فيها مع بعض المدونيين في ندوه بمجله كلمتنا من يومين...بص انا شايف أن المدون من حقه يكون عنده مساحه كبيره من الحريه في كتاباته و أن يكون رقيبه هو البعد الاخلاقي بمعني انه ممكن ينتقد امور كتيير مش عاجباه و لكن دون استخدام ألفاظ خادشه للحياء و دون سب الاديان أما عن مسأله الخوف فأنا اعتقد أن النظام مستني يتلككلنا علي أي حاجه بس احنا لازم نفوتها عليهم بأسلوب الحوار الراقي عشان محدش يكون عنده حجه و يحصلنا اللي حصل لكريم عامر
مستنيينك اللقاء القادم اللي باذن اللله حيكون بعد الاعياد و أكييد ياسمين حتعمل بوست عندها و تقولنا فيه التفاصيل
تحياتي لك

rabi said...

الموضوع الانت طرحته موضوع هام جدا هل احنا فعلا بنخاف
ولو فرضنا جدلا يبقي لازم نتحرر من الخوف المسييطر علينا
ولو لم يكن خوف يبقي لازم نكون واضحين اعرف انا بقرا لمين واعرف مين بيقرالي
انا معاك في فكرتك واتمني تتحقق فعلا

حسام مراد said...

بحييك ع الموضوع ده
بجد موضوع يجب مناقشته
والخوف اللى فينا ده مننا مش منهم
نعم يتسم اغلب المدونين بالخوف
تحياتى
حسام مراد
شغال
سلام

حسام مراد said...

بوست جااااامد اوى

Sharm said...

عشان التدوين للاسف اقترن عندنا بالسياسة
و ده اللى مخلي معنى مدون يعنى خايف و متخفي دائما

raspoutine said...

مش فى كل الاوقات بيبقى خوف بس ممكن تقول عليه تنفيس عن افكار ومشاعر مكبوتة وده شىء صحى جداً
بوست جميل احييك عليه

The Alien said...

الهدف من الكتابة بيختلف من حد للتاني
عشان كده التعميم ف موضوع الخوف مش لطيف
ببساطة مش كل الناس عايزه تكتب ف السياسة

تحياتي

~ Bato0ot ~ said...

post gamil
lakn heya f3lan el mushkela en blogger dayman mortbet bel seyasa w el seyasa bel khof
m3 en la el modwen lazem ykkon byktb fel seyasa
w sa3etaha msh hyb2a m7tag yekhaf!!
w b3den fe modwnen .. maybe zayee aw zay amira hassan w lamia w gherhom byb2a their profile b asamehom bgd!! w btb2a 3aref bt2ra l meen w eza msh byb2a fe personal image fa msh shart fe kol journal tl2y gnb esm el se7afy sorto?

islam yousef said...

ميشيل
انت اكيد كلامك صح ,ليه البنى آدم اللى بيكتب ده مايكونش عنده وازع أخلاقى ابل أى شىء ,ممكن يكتب بحريه ,بس لازم الحرية دى ما تأذيش ناس تانية عايشة معاة و هوا لازم يتعايش معاهم

islam yousef said...

رابى
ياريت نبدأنطبق و شكرا على الزيارة

islam yousef said...

حسام مراد
فعلا المباردة إن ماكانتش مننا تبقى من مين ؟
أكيد هاتبقى منهم
كده كدة هيا بايظه و كل محصل بعضة
فاليه مانكونش احنا اللى نعمل الصح و نواجه عيوبنا
شكرا على الزياره

islam yousef said...

أحمد شارم
انت جيت عند نقطه مهمة و حساسة و اللى هيا السياسة
أنا و أنا باكتب ماكنش ده فىة دماغى
أنا كان قصدى ان ننا نتكشف على نفسنا
علشانا نبقى مجتمع فعال
لازم نكون عارفين بعض كويس و عارفين قدراتنا و طاقتنا
احنا لو احنا فضلنا مستخبيين ورا أقنعه و وشوش مزيفة
تقدر تقوللى ايه الخطوه اللى ممكن نخطيها

islam yousef said...

راسبوتين
ايه يعنى تنفيس و تعبير عن مشاعهر مكبوته
الدباء الكبار عملوا اعترافات و كانت صريحة جدا
كانت ممكن تهز من قدرهم الأدبى لكن حسوا ناهم لازم يكونوا صادقين مع المجتمع و مع ضميرهم الأدبى

islam yousef said...

thealien
و الله حرام .ليه يا جماعة السياسة لازقة بظلها التقيل على الموضوع ده؟
انا خلاص هاتجنن
انا مش باتكلم عن السياسة بس
انا باتكلم عن الصراحة ,اننا نعرف بعضنا مباشرة
ممكن أسأل سؤال؟
ده مجتمع مدونين و اللا مجتمع نصابين؟
أو بيعملوا عمله و خايفين يكشفوا عن نفسهم و يتفضحوا

islam yousef said...

إنجى مصلح
بصى ياست انجى زى ماقولت فى الردود اللى فاتت الكلام فى السياسه حتى لو تحت اسم مستعار أو صوره مستعارة هايمنعهم انهم يجيبوكى من ودانك
طبعا لأ
هل احنا خايفين من قرايبنا و اهالينا
انتى مش معرفه اللى فى البيت و صاحباتك ان انتى عندك مدونة ؟
طب انتى ممكن تكتبى عن مشاعر انتى مش عايزه حد يعرف مين اللى كاتبها و علشان كده ممكن تستعملى اسم مستعار
لكن اللى لازم يحصل ان لازم يكون بين كل المدونين مصداقية و معرفه بالآخر

و على حكاية الصورة
فيه جورنالجية كتير تلاقيهم مش حاططين صورهم لكن مثلا حاطين ايميلاتهم
او مع متابعة القراتءه لهم ممكن اعرفهم
لأنهم بيبقوا أعلام و مؤثرين
زى ما برضوا فى المدونين أعلام بس مش معروفين

che husam said...

على فكره يا إسلام أنا مختلف معاك
مفيش جبن ولا حاجه
وبعدين حكاية إنك بتقرأ لناس مش عارفها مش حقيقه
بص عندك وعندى وعند كل الناس هتلاقى كل مدون حاطط لنكات لمدونات أخرى معظمهم يعرفهم شخصياً
وهتلاحظ إن فيه ناس بتكتب إسم الشخص جنب إسم المدونه
لكن مش لازم تعرف إللى بتقرأله
يعنى إنتا بتقرأ لجبران تعرفه ؟
وكمان فيه كتاب عالميين كانوا بيسموا نفسهم أسامى تانيه عادى يعنى
بص يا سلم
التدوين ده حاله
كل واحد صفحته هتلاقى فيها شخصيته
بيكتب إسم بيحبه أو مرتبط بفكره
بيكتب إسمه الشخصى
بيقول براحته فى صفحته
ده عالم كل واحد
هويته الوهميه فى العالم الوهمى

أوك
تحياتى يا بلدياتى