Tuesday, June 05, 2007

Hamburg cell


هل المسلمون جميعهم ينتمون إلى هذه الخلية؟

هل المسلمون جميعهم إرهابيون؟....هل كلهم أسامة بن لادن؟......هل كلهم تنظيم القاعدة؟


أسئلة تانية كتيرة سألتها لنفسى بعد ما تفرجت على االفيلم ده اللى هوا نهاية سلسلة من الأفلام بدأت تحاول قراءة أفكار الآخر الإسلامى سواء من الناحية الإيجابية او السلبية .....حصللى شعور غريب بعد الفرجة ...كنت مسافر المنصورة بدأت أشوف كل واحد ماشى فى الشارع او فى المواصلات ,أشوف كل واحد ملتحى يتبادر الى ذهنى فورا تنظيم القاعدة و كأنه عضو به ,و كل رجل يمشى مع واحدة منقبة كأنه فرد فى خلية سرية لجماعة اسلامية ....الباعة فى الشوارع على الأرصفة وفى المحلات و فى المواصلات, الشحاذون و أصحاب المحلات و رواد السينما و بيوت الدعارة, حتى البصاصين على نواصى الشوارع و الخرتية الذين يوقعون بالسواح فى طلعت حرب و ميدان التحرير و ووسط البلد, الخبازون ,رجال الأعمال, الموظفون ,البسطاء من عامة الناس .....كل هؤلاء أراهم أعضاء فى منظمة سرية تخطط لدمار الآخر الغربى ...لا لشىء إلا لأنهم يدعون(المسلمون)دائما ما يصورهم الآخر الغربى بأفلامه و برامجه بأنة المتخلف الشاذ, الحقير, الإرهابى ...صورتين إما متطرف و ارهابى, أو متخلف حضاريا

هذا الفيلم هو آخر السلسة, قبله شاهدت (صوابع خمسه)أو فايف فينجرز و فيلم (بابل)بطولة براد بيت و كيت بلانشيت..و الغريب أن هذين الفيلمين تدور أجزاء من مساحتهما الزمانية و المكانية فى بلد عربى واحد هو المملكة المغربية ....لماذا بالتحديد هذا البلد العربى ...مع تركيزهم على التخلف الحضارى فيها و تركيزهم على صورة البدوى


هل الدين الإسلامى يدعو الى العنف؟

أحيانا ينتابنى الشك فى ذلك و أن القرآن كتاب يحض على مزيد من العنف و لكن هذة النظرة النى ماعدت أؤمن بها كان مصدرها من واقع بيئتى, فوالدى متدين أشد التدين لدرج استخدام العنف كآدته للتربية و أخى الأصغر منى بعد فترة تدينه و التى سبقتها فترة صياعة أصبح عنيفا فى آرائة و يريد أن تكون هذه الآراء هى المسيطرة ......حينما أنزل أفلام أو أغانى مهما كانت درجة طهارتها _على الجهاز و هو جهاز الأسرة الشخصى, يقوم هو بحذفها, فأحذف له أشيائة و نبدأ فى دائرة حذف لاتنتهى


هل عيبنا أم عيب الآخر أم عيب الأديان بشكل عام؟

13 comments:

The Alien said...

العيب مش ف دين معين ولا ف اﻷديان بشكل عام
الدين بالشكل دا إحنا اللي عملناه
خليناه وسيلة للوصول للأهداف
إحنا اللي عملنا كدا
العيب فينا إحنا

تحياتي

che husam said...

هل عيبنا أم عيب الآخر أم عيب الأديان بشكل عام؟
إنتا بدأت تسأل أسئله جميله وده كويس
لكن لازم تجد الإجابه بنفسك
مينفعش إجابة أى حد إلا إنتا
عموماً مرحباً بك
أو جوين ذا كلاب

ياسمين said...

مش مهم الأديان لأنها من صنع الإنسان نفسه
المهم انك تكون مؤمن بوجود اله للكون
وتكون مؤمن بإن فى حساب وثواب وعقاب
امتى ما أعرف؟
لكن اعتقد ان أكثر ما سوف يعاقب عليه الإنسان هو علاقته بأخيه الإنسان
لا تظلم .. لا تجرح .. لا تكذب .. لا تغش .. لا تقتل .. لا تسرق .. لا تغتصب الحقوق .... الخ
كل التعاليم الخاصة بالمعاملات موجودة فى كل الأديان حتى المجوسية وهى واحدة تقريبا وحتى الذين لا يؤمنون بوجود الله
أما العبادات هى التى تختلف

اذن دعنا نؤمن بالمتفق عليه بين البشر جميعا ..
تحياتى لعقل يفكر ولا يرث الفكر

ياسمين said...

مبروك المدونة وعاوزة أقولك تلغى شباك التعليقات و الوورد فريفيكيشن عشان تسهلنا التعليق وقراءة التعليقات الأخرى

A.SAMIR said...

انا بشوف ان الانظمة الديكتاتورية اللي حوال 90%من الشعوب الاسلامية بتعاني منه هي المسئولة بشكل مباشر عن تنامي العنف والتطرف والجهل بين افراد الشعوب دي
يعني ازاي هتوصل رأيك وتعبر عنه بصورة سلمية وانت اساسا مالكش اي وسيلة انك تتكلم فيها وتعبر فيها عن ر؟أيك...بل بالعكس رأيك دة لو مش جه على مزاج الحكام بيكون مصيرك العنف والاهانة
هم اللي وصلونا لكدة....هم اللي مااحترموناش وبالتالي اصبحنا لا نحترم الاخر
تحياتي ليك

Taher said...

أعتقد انه عيبنا

بس الاسلام ملوش علاقة

dr/dina said...

kalamak gameel we yad3o leltafkeer lakn mshkletna enena ka masryeen asasan benkasel nefakar wala fakarna mesh benkarar fa nefdal netkalm netkalm we neegy 3and el gad we nkesh we n7`af bn7`af netkalm fe kol 7aga deen we syasa belzat ,,kont fakra le7ad 2orayeb en feh amal feena kasha3b lakn sada2ny bada2 yegeely e7bat we asada2 sa3d basha lama aal mafeesh fayda :) kalamk bas 7`alany afakar ana kaman ,we rabna yesahel we akarar a3mel eh ya abata afakar 7`ales,,,
this is my first visit and inshallah not the last :)
salaaaam
dina

أحمد مختار عاشور said...

أولا أحييك على جرأتك فى تناول هذا الموضوع
...........
الحكمة الأزلية التى تعلمتها من كون الله سبحانه و تعالى غيب هو انه منحنا القدرة على ان نتخيله كما نريد
هؤلاء اللذين تتحدث عنهم هم متطرفون سواء وجد الدين او لم يوجد
فالتطرف من طبع الانسان ذاته
و من بداخله القنبلة ستظل كذلك حتى فى الدين

islam yousef said...

the alien
ممكن شىء فى كلامك صحيح تس مش احنا اللى فينا كل العيب
احنا ما حاولناش نفهم الدين بشكل صح
لأننا مش عايزين كدة
احنا دايما راضيين بالأمر الواقع
حكومات شيوخ بتحاول دماغنا بأفكار غير عقلانية
اشياء كتير احنا مش راضيين نغيرها و نثور عليها

حسام
منورنا يامعلم
أنا قدامى اجابات كتيرة و مش عارف
كانى ماعنديش حرية الإختيار

ياسمين
منورانى و الله يا استاذه ياسمين و دى أول مرة و اتمنى ما تكونشى الأخيرة

فعلا الله ده شىء غير مختلف علية و ان العلاقات بين البشر هيا اللى المفروض تراعى بشكل صحيح بدون اى تحيزات بين أديان أو أيديولوجيات و خلافة
المفروض اننا ندور عن الأرضيه الثابته بين كل البشر و نبدأنتحرك من خلالها

و بالنسبه لشبك التعليقات
و الوورد فريفيكيشن
هحاول أغير ده
تحياتى


m.samir
ده فعلا هوا الأمر الواقع احنا ما نقدرش ننكر إن السياسة متدخلة فى كل شىء و ده الطبيعى
لازم احترامنا ييجى مننا احنا
يعنى يبقى احترام ذاتى بعيدا عن أى خلافات ايديولوجيه بيننا و بين السلطة
عدم الإحترام من جانبهم ممكن يسبطنا
لكن من جانبنا لازم يكون فيه ضغط من جانبنا على ذواتنا
ويفضل صراع أبدى
لأن ده هوا قدر كل المتحررين اللى فى العالمحياتى و منورنا

mohamed gado said...

انا عاوز اقولك ان الاسلام دين وسطيه ومبيدعوش ابدا الى العنف بل الى السماحه والمحبه
كمان فى فرق بين التدين والتعصب
يعنى انت بتقول انه والدك متدين ولكن عنيف وكذلك اخوك فاحيانا البعض يفسر بعض الاشياء من وجهة نظر مختلفه وعلى اساسها يحكم على اى حدث من هذا المنظور لكن مش معنى ذلك ان يكون هو ده الاسلام فالذى يفعله الجزء لايطبق على الكل
وانا اول مره امر على البلوج ده وعجبنى

islam yousef said...

طاهر
أعتقد ان الدين له دخل برضة ...مش الدين بس كل الأنماط اللى احنا بنطبقها علينا فى حياتنا
احنا عايزين نعمل اعادة تفكير فى جميع مقدساتنا
تحياتى

دينا
شكرا على مرورك
و مش عارف لية انتى ماحطتيش اينك للمدونة بتاعتك علشان يكون فية تواصل اكتر

بالنسبة لكلامك
كلام جميل جدا و وجهة نظر جميلة
بس فية حاجة
كلمة سعد زغلول مشكوك فيها اذا كانت اتقالت على حال البلد و اللا لأسباب مرضية
أما بالنسب ة للأمل فاده شىء لازم ما نستغناش عنة
و لو احنا ما فكرناش مين اللى هايفكر
حتى لو مافيش أمل فالتفكير لمجرد التفكير شىء يثبت وجودنا و يديلنا الثقة بذواتنا
تحياتى

محمد جادو
ماشى ياعم أنا معاك
لكن فيه حاجة
المرجعية الدينية ممكن ناخدها منين
و الدين الاسلامى نفسه فيه طوائف كتيرة
و متناحرة
تحياتى و ابقى عدى علينا

أحمد مختار عاشور said...

انت مشفتش تعليقى ولا ايه؟

islam yousef said...

أحمد مختار عاشور
أنا آسف
التعليق بتاعك سقط سهوا من تحت بصرى
ماتآخذنيش و الله ما اقصد

بالنسبة للتطرف ما أقدرش أعارضك
لأنه فعلا موجود فى النفس البشرية
بس بيختلف من شخص للتانى مدى القابلية يعنى فية نصوص فيها بذرة التطرف أو حسب فهم الشخص اللى بيقراها انها بتدعوا لكده
بس طبعا و هوا بيقراها و بعد كده بينفذها
مستبعد عن فكره تماما فكرة التطرف
أو ممكن ظروف المجتمع هيا اللى بتفرض الفعل ده عليه
فى الآخر القار بيبدأمنه هوا
حسب مدى قابليته و ضعفه قدام المفاهيم دى
تحياتى
و آسف تانى