Sunday, May 28, 2006

شمعه مطفيه و جناحين منزوعى الريش



fall in .....fall in
the last castleكنت باتفرج النهارده على فيلم
و سمعت الصيحه دى (تجمعوا.....تجمعوا) إفتكرت نفسى و عرفت إن أنا مش أنا
مش عارف ليه الواحد فى الموقف اللى أنا فيه بيحس إنه لا شىء مقابل أى إنسان تانى يتمتع بكامل حريته.
فاصل...
و قامت القوات المعاديه بنزع السلاح
عوده...
أنه يكون احساسك بإنك تكون طائر كل حياته الطيران بحريه و انطلاق و البحث عن فضاءات جديده للحلم للأمل
للحياه أو حتى للألم طالما إن ده نتجه تتحمل مسؤليتها لوحدك.
حسيت انى طير نتفوا له ريشه و ريشى هوا السلاح اللى بدافع بيه عن نفسى أو هوا المعبر الأول عن حريتى
بيه باطير .....أبعد أو أقرب.....أهرب أو أواجه أعبر بيه عن الفرح أو الحزن ...أو أحضن بيه حبيب
الريش ليا رمز كبير...معنى
الجيش مش كله وحش ...فيه الحلو و الوحش ...لكن أما يقضى على تفكيرك...يشله..يجعلك ما تفكرش فى أى حاجه غيره
تنسى الملكى.....أحلامك،طموحاتك، عيلتك ، حبايبك ، معزول عن العالم ، عن اللى بيجرا بره
الجيش زنق فى قاموسى معنيين ...جوه و بره...و إنك تبقى جوه و تفكر دايما فى جوه
حتى أما تبقى بره ..فى ىأجازه يعنى ...تفضل برضه تفكر فى جوه و تعمل ألف حساب لليوم اللى هتخلص فيه أجازتك و ترجع
أنا...أنا...أنا أصبحت منزوع الريش
كنت قاعد فى أوضتى و مولع شمعه ....أنا ما لحظتهاش و ما بصتش عليها و هيا ماليه الأوضه نور
ساعة ما حسيت إن نورها بدأ يخفت بدأت أركز إنتباهى عليها ، لأنها بدأت تضيع منى , كان فيه مصلحه ليا معاها
أعدت أراقبها و هيا بتحتضر، كانت بتعافر ترفع شعلتها و تريد نور ، و كأنها بترفع راسها فى آخر لحظات الإحتضار
ترفع و تخفض لحد ما انطفت..... جبت واحده غيرها
ما شمعه إلا بنى آدم

11 comments:

bojsoom said...

خوش فلم الصراحة فيه تتعرف على شخصية القيادي ، وشخصية الي يعتبر نفسه قيادي واهو ولا شي :) ..

فلم جميل وشاهدته أكثر من مره ، تشكر يا فندم :) ..

وكثراً تمنيت إني أكون طير عشان أبعد شوي عن الناس وأحلق في الهواء :) ..الله يرزقنا جناحين بالجنة :) ..


أما تشبيه الشمعة فعجبني حييييييييل بشكل كبير ، وتشكر أخوي على طرحك الطيب :) ..

وأتشرف بزيارت مدونك :) ..

أخوك بوجسووم
وهذي بطاقة دعوة لك أخي :) ..
http://www.bojsoom.net/up/card.jpg

ayhm jzzan said...

أنا تابعت الفيلم بعد ما قرأت البوست لأول مرة وحبيتو وحبيت البوست
بالخيال والإبداع كلنا نطير ونحلق
طرح جميل وتحية لك

ayhm jzzan said...

مدونة جميلة
ممكن أعملها لنك من عندي علشان أزورها دائما

ayman_elgendy said...

الحرية...نعم يا اخي انها النقطة التي يدور الكل حولها وان لم يذكرها

تحياتي...مدونة رائعة

Geronimo said...

فعلا فيلم جامد
بس البوست شجعني اتفرج عليه تاني

أجدع واحد في الشارع said...

هو فلم جامد جدا بس انا كنت مبحبش اتفرج على اجنبى بي

Geronimo
هى الى خلتنى اتفرج عليه اجبارى

change destiny said...

لما بيعجبني فيلم مش بحب أتفرج عليه تاني

عشان يفضل في ذاكرتي بنفس الجمال و معدش أنقده و ألاحظ غلطاته

كانت الشمعة محور الغرفة الى حين . قد تغير الشمعة لكنك لا تستغني عن النار

ayhm jzzan said...

مراحب كيفك اليوم
بانتظار جديدك دائما

still breathing said...

well...i didn't see the movie but i liked ur post..

very expressive

sarah said...

بصراحة ماشفت الفيلم
راح اشوفه لأني تحمست الحين اشوفه

Haider Droubi said...

an intresting blog y have here...