Friday, May 18, 2007

مادلين لامونت Madalyn Lamont

كما جاء فى اخبار الأدب
سيدة امريكيه أتت إلى مصر فى العام 1966 بدات التدريس فى الجامعة الأمريكية بالقاهرة فى عام 1972 ,كانت اول من أنشأ قسما أو مكتبة لأدب الطفل فى الجامعة و حسب ما جاء فى موقع الجامعة الأمريكية ,أنها كانت ناشطة فى حقوق المرأة ,,كما أنها من البارزين فى نشر و تدعيم النشاط الثقافى فى الجامعة من مسرح أدب و غيره , كما انها كانت معروفة كشاعرة متميزة ذات حس مرهف ,تركت التعليم بالجامعة -قسم اللغة الإنجليزية عندما بدأت فى صراع مع المرض و ذلك سنة 1981 حتى وافتها المنية عام 1982
هذا هو ماتوافر لدى من معلومات عن هذه السيدة و أظنها قليلة بالنسبة لعلو شأنها و بأنة يوجد جائزة تسمى بإسمها
جائزة مادلين لامونت: بدأت هذه الجائزه نشاطها فى عام 1986 ,أى بعد وفاتها بأربع سنوات تقديرا لمجهوداتها و ثرها فى إثراء الحياة الثقافيه فى الجامعة الأمريكية , و تعتبر هذه الجائزه من امثلة متعددة تقدمها الجامعة الأمريكية لطلابها الموهوبين,فهى تقدم جائزة للأدب المكتوب باللغة الإنجليزية و الأدب المكتوب بالعربيه كل سنة بالتناوب
تتعدد النشاطات التى تقدمها الجامعة الأمريكية بالقاهرة فإنها لا تقتصر على إكتشاف العناصر الشابة الموهوبة من طلابها و لكنها تساهم فى إثراء الحياة الإجتماعية ...كمثال ..صندوق التنميه البيئية و الذى ساهم فى ترميم بعض المنشآت الأثريه بالقاهرة-و إن إقتصر نشاطها على القاهرة- و لكنه كان شىء مؤثر منها أن يأتى من جامعة رغم أنها تنتمى انتماء الى دولة أجنبية و لكنها أثبتت مدى تفاعلها مع الشعب المستضيف لها و مدى تعاونها معه فى مد جسور التفاهم و الحوار.
لا أعمل بذلك على تخطيط حملة دعائية للجامعه الأمريكية و لكنى أعرض مثالا بالمقارنة بالجامعات المحلية الوطنية الذى تعليمها بالمجان!!!! كما نرى
هذه الجامعات لاتحوى الا إتحادات سقيمة لإتحاد الطلاب . أنشطتها تبعث الملل و الكآبة و النفر...غير مفيدة ,غير مجدية و لاأقدر أن أضرب أمثلة ..لأن ذلك واضح للعيان بدون الحاجة لضرب أمثلة , هل رأينا بها مسابقة أدبية على شرف أديب مصرى كبير لإكتشاف المواهب الشابة , و إن وجدت فهى حسب معرفة الدكاترة فى لجان التحكيم بالشخص المتقدم , فأولوية الجائزة للمعارفو الأقارب
أيضا بالجامعة الأمريكية مسابقة بإسم الأديب محمد سلماوى رئيس اتحاد كتاب مصر الآن و هى مسابقة فى المسرح تقدم لطلبة الجامعة
و مسابق بإسم أديب نوبل الراحل نجيب محفوظ -كذلك فى الجامعة الأمريكية- لا أعرف بالتحديد مدى محدوديتها على هى للمصريين فقط أو للعرب كذلك .كنت قد عرفت أن الديب المصرى ادوار الخراط كان قد فاز بها
ش
و أمثلة كذلك كثيرة ....امتى بقى تتصلح و اللا شكلها باظت

11 comments:

semsem said...

هى فعلا باظت ؟

hoda omran said...

على فكرة مدونتك حلوة اوى شكلا وموضوعا
بالنسبة للجامعة الامريكية فهى فعلا احسن نموذج موجود رغم سلبياتها
بس احنا لازم نغير
فى ايدينا ان احنا نغير كل حاجة من حوالينا واكيد التغير ده مش هيجى فجأة بس انا اغير شوية وانت شوية لغاية مان غير الاوضاع دى
يالا مش مهم
سلام

Tamer Nabil Moussa said...

السلام عليكم

ازيك اسلام

اخبارك اية

اشكرك على الاضافة الجميلة دى لينا

تحياتى

The Alien said...

فيه فرق كبير بين التعليم عندنا والتعليم بره
بداية من طرق التعليم لغاية النشاطات
ودا بيبان بوضوح مع أي مقارنة

أساسا إحنا مش عندنا ثقافة العمل التطوعي
بس إحنا معزورين
طول الوقت بتدور علي أكل العيش
عشان كدا مش هتتصلح

تحياتي

david santos said...

It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help

SomeOne said...

دي لا باظت ولا خربت ولا جابت جاز
دي بقت منجه خالص

-_- said...

مش اوي يا اسلام

يعنى في نشاطات زي الشعر و التمثيل دي ارقى كتير بما يقدم في الجامعة الامريكية

الجامعة الامريكية فيها جوائز كبيرة بس لكن عندنا يدوبك ميدالية و سبعة جنيه بدل نشاط عن كل يوم يمكن شهادة تقدير و برواز في الاخر

لكن النشاط افضل كتير من الجامعة الامريكية

صاحب البوابــة said...

التعليم ؟؟؟

ومن منا ما زال يتكلم عن ذلك المسى بالتعليم عندنا ؟؟؟

تحياتي لكل عاقل

Lasto-adri *Blue* said...

الله يكرمك يا اسلام... كنت عايز تدينى الجايزة دى
يرفع معناوياتك زى ما انت رافع بتاعتى كدة


بالمناسبة ح قول لك على قص لطيفة
السنة دى زورت الاقصر واسوان.. ولاول مرة اكتشف انى بعرف اصور حاجات لطيفة والله.. خلى ناس كتير تقول لى ابحثى عن مسابقة للتصوير فى كليتك واشتركى فيها.. اكيد ح تفوزى
فعلا.. دورت على مسابقة.. ولقيت واحدة مع اتحاد الطلاب...
"ها.. مطلوب منى ايه؟"
"النتجاتيف ونسخة كذا فى كذا"
"طب انا صورت بكاميرا ديجيتال.. يعنى مالهاش نيجاتيف"
"يعنى ايه دا؟"
"تقنية حديثة"
"لاء ماينفعش.. لازم نيجاتيف"

مشيف وانا فى قمة حسرتى على دى بيروقراطية على دا شعب على دى دولة

الفكرة مش احتياجى انى افوز فى المسابقة.. بس ع الاقل احس انى بتعبر من حد....


ماعلينا..... هو الحل "الاعتماد الذاتى".... عشان عمرها ما ح تتصلح دول ما ااحنا لسا كدة

ويرحمكى الله يا مادلين

بى اس اعتذر عن طول التعليق وتأخيره.... عندى امتحانات

Anonymous said...

مدونتك جميلة جدا يا اسلام
و عجبتنى اوى ملاحظاتك الثقافية
..........
هى باظت فعلا

islam yusuf said...

سمسم
فعلا و أ÷لآ بتشريفك

همسات
شكرا على المجاملة و بمناسبة التغيير أنا من رأيي إت التغيير فى المرحلة اللى احنا فيها لازم ييجى من فوق

تامر نبيل
شكرا لزيارتك ياباشا و اتمنى ان تكون المساهمة عجبتك

the alien
فعلا كلامك صحيح بالنسبة للعمل التطوعى رغم ان فيه جمعيات أهلية كتير بتدعى المشاركة بس حكاية الأكل دى مش كل حاجه

شادى فايد
مالها المنجة دى حلوة أوى و أكيد هانشرب منها كتير فى الصيف

أحمد شارم
أنا مش معاك
ده تحيز غير موضوعى ده مش معناه ان انا ضد مصر لكن الحيادية هيا اللى بتوجب عليا انى أأقول ان كلامك مختلف أشد الإختلاف عن اللى احنا شايفينه

صاحب البوابه
احنا ....احنا اللى لازم نتكلم لو ما تكلمناش يبقى مين اللى هايتكلم
سعدت بزيارتك

ايمان عبد الرحمن
شكرا لنشريفك
و ياستى مش حكاية رفه معنويات
أنا قريت لبعض الطلبة اللى فازوا بالجايزه دى و حسيت ان مستواكى أعلى منهم
و بالنسبة للتصوير فدى هواية لذيذه اوى أنا نفسى باحبها جدا و كان نفسى أطلع مصوراتى
أنا باقترح عليكى أن المدونة بتاعتك تكوت منفذ للهوايه دى
فيها ايه لما تتحفينا بصوره من تصويرك مع الكلام الجميل اللى انتى بتكتبيه
بعيد عن بيروقراطية االدولة و التخلف اللرقمى اللى هبيا عايشه فيه
ربنا يوفقك فى الإمتحانات

أحمد مختار عاشور
تشكرات كترات على التشريف
و ميرسى اوى على الكلام الجميل ده